Atyraýda lift shahtasyna qulap aýrýhanaǵa túsken jigittiń jaǵdaiy aýyr, dep habarlaidy "Ult aqparat".
Keshe saǵat 10:00 shamasynda Atyraýda kópqabatty úide lift qulap, bir adam mert bolǵan edi.
Turǵyn úidegi liftini bólshekteý kezinde eki qyzmetker lift shahtasyna qulap ketken.
Oqiǵa ornynda 40 jastaǵy adam kóz jumdy.
Keiinnen liftiniń 15-qabattan qulaǵany anyqtaldy.
Oblystyq densaýlyq saqtaý basqarmasy baspasóz qyzmetiniń málimetinshe, 1987 jyly týǵan jigit kóptegen jaraqatpen aýrýhanaǵa túsken.
«Keshe oblystyq aýrýhanaǵa jatqyzylǵan 34 jastaǵy jigitke ota jasaldy. Qazir onyń jaǵdaiy turaqty aýyr dep baǵalanyp otyr. Ol aýrýhananyń jansaqtaý bóliminde jatyr. Ony dárigerler turaqty baqylaýyna aldy», -dep habarlady basqarmanyń baspasóz qyzmetinen.
