Atyraýda kóshi-qon zańnamasyn buzǵan 61 sheteldik elden shyǵaryldy, dep habarlaidy "Ult aqparat".
Atyraý oblystyq Politsiia departamentiniń bastyǵy, politsiia polkovnigi Qamza Úmbetqalievtyń málimetinshe, 10 kúnge sozylǵan «Migrant» jedel-profilaktikalyq is-sharasy ótken.
«Politsiia qyzmetkerleri elimizdiń kóshi-qon zańnamasyn buzýdyń 1 514 deregin anyqtady. Onyń ishinde QR Ákimshilik quqyqbuzýshylyq Kodeksiniń 517-babymen 1185 sheteldikke ákimshilik sharalar alyndy» - deidi Qamza Úmbetqaliev.
Onyń aitýynsha, kóshi-qon zańdylyqtaryn buzǵany úshin sot sheshimimen 61 sheteldikterdi elden shyǵarý uiymdastyrylǵan. Politsiia qyzmetkerleriniń baqylaýymen 15 ózbekstandyq pen Tájikstan Respýblikasynyń 1 azamatyn májbúrli túrde Túrkistan oblysynyń Saryaǵash aýdanyndaǵy «Jibek joly» baqylaý-ótkizý beketi arqyly shyǵarylǵan.
«Buǵan qosa, kóshi-qon salasyndaǵy zańnamany buzǵan jáne sheteldik jumys kúshi men eńbekshi kóship kelýshilerdi arnaiy zańdylyqty buza otyryp tartqan elimizdiń 329 azamaty men zańdy tulǵalary ákimshilik jaýapkershilikke tartyldy. Jeke basyn anyqtaityn qujatsyz júrgen TMD elderiniń 144 azamaty qabyldaý-taratý ornyna tapsyryldy» - deidi Qamza Úmbetqaliev.
