Atyraýda keshe dúniege kelgen 2 sábiden koronavirýs belgisi tabylmady, dep habarlaidy "Ult aqparat".
Tótenshe jaǵdai rejimin qamtamasyz etý jónindegi óńirlik jedel shtabtyń habarlaýynsha, 2 sábiden koronavirýs infektsiiasyna alynǵan test synamasynyń nátijesi belgili bolǵan. Sábilerden qaýipti indet tabylmaǵan.
«Eki sábi infektsiialyq statsionardan oblystyq balalar aýrýhanasyna aýystyryldy. Ekeýiniń de densaýlyǵy turaqty dep baǵalanyp otyr. Al, analary – 24 jáne 29 jastaǵy eki áiel infektsiialyq statsionarda em alýdy jalǵastyrady. Olar qaýipti indetten tolyq aiyqqannan keiin shyǵarylady», - dep habarlady óńirlik shtab.
