Atyraý qalasynda kópqabatty turǵyn úi órtendi, dep habarlaidy QazAqparat.
Oblystyq tótenshe jaǵdailar departamenti baspasóz qyzmetiniń málimetinshe, órt týraly habar búgin, 18 qazan kúni saǵat 16:16 shamasynda túsken.
«Atyraý qalasyndaǵy S.Datov kóshesinde ornalasqan kópqabatty turǵyn úidiń shatyry órtengen. Jalyn saldarynan 4 jáne 5-qabattaǵy balkon janǵan. Jergilikti ýaqytpen saǵat 16:48-de tolyq joiylǵan órtti sóndirýge 9 arnaiy tehnika, onyń ishinde 2 avtosaty tartyldy», -dep habarlady departamenttiń baspasóz qyzmeti.
Turǵyn úidegi órtten zardap shekkender men qaza tapqandar joq.
