Atyraýda bótenniń kóligin urlaǵan jasóspirim ustaldy, dep habarlaidy "Ult aqparat".
Oblystyq politsiia departamenti baspasóz qyzmetiniń málimetinshe, 10 kún buryn izdeý salynǵan 17 jastaǵy jasóspirim bótenniń kóligin urlaǵan.
«Politsiianyń kezekshi bólimine Atyraý qalasynyń 39 jastaǵy turǵynynan úi aýlasynda turǵan kóliktiń urlanǵany týraly shaǵym tústi. Osyǵan bailanysty politseiler jedel-izdestirý jumysyn júrgizip, urlanǵan kólikti Isatai aýdanynan tapty. Kólik urlyǵyna kúdikti 17 jastaǵy jasóspirim ustaldy. On kún buryn úiinen shyǵyp ketip, oralmaǵan jasóspirim urlanǵan kólikpen saiahat jasamaq bolǵanyn moiyndady. Avtokólik iesine qaitaryldy», - dep habarlady departamenttiń baspasóz qyzmeti.
Qazir atalǵan derekke qatysty QR Qylmystyq Kodeksiniń 200-babynyń 1-bóligimen sotqa deiingi tergeý bastaldy.
