Atyraý qalasynda qoǵamdyq orynda tóbelesken úsh jigit jazalandy, dep habarlaidy "Ult aqparat".
Oblystyq politsiia departamenti baspasóz qyzmetiniń aqparatyna súiensek, 14 shilde saǵat 17:59 shamasynda jedel basqarý ortalyǵynyń beinebaqylaý inspektorlary tóbelesken úsh jigitti baiqaǵan.
«Ýchaskelik politsiia inspektorlary Qurmanǵazy kóshesinde ornalasqan «Safari» kafesiniń aldynda tóbeles shyǵaryp, qoǵamdyq tártipti buzǵan úsh jigitti anyqtady. Bir-birimen ózara kelise almaǵandar – 33, 32 jáne 30 jastaǵy azamattar», -dep habarlady departamenttiń baspasóz qyzmeti.
Qoǵamdyq orynda tóbelesken úsh jigitke qatysty QR Ákimshilik quqyq buzý kodeksiniń 434-babymen ákimshilik hattama toltyryldy.
Sottyń sheshimimen eki azamattyń árqaisysyna 10 ailyq eseptik kórsetkish kóleminde aiyppul salynyp, bireýi bir táýlikke ákimshilik qamaýǵa alyndy.
