Atyraý oblysynyń qylmystyq ister jónindegi mamandandyrylǵan aýdanaralyq soty biyl Aýǵanstanda ustalyp, keiinnen Qazaqstanǵa jiberilgen 28 jastaǵy Damir Znalievke qatysty úkim shyǵardy. Bul týraly "Aq Jaiyq" basylymy jazyp otyr.
Qylmystyq is jabyq tártipte qaraldy. Damir Znaliev sot otyrysyna qatysty.
Sotta 2011 jyldyń shilde aiynda Damir Znaliev Qazaqstannyń eki azamaty jáne Belgiia azamatymen birige otyryp, Pákistan aýmaǵynda "Halifat sarbazdary" halyqaralyq terroristik uiymyn qurǵany aityldy. Uiymnyń quramynda Qazaqstan, Tájikstan jáne arab elderi ókilderi bolǵan.
2011 jyldyń 12 qyrkúiek-2 qazan aralyǵynda Damir Znaliev Almatydaǵy Qazaqstannyń Syrtqy ister ministrligi ǵimaratynyń aýmaǵynda jáne Almaty qalalyq IID ákimshilik ǵimaratynda jarylys uiymdastyrmaqshy bolǵan. Al 28-30 qazan aralyǵynda ol Atyraýda oblys ákimdigi men prokýratýra ǵimaraty mańynda jarylys uiymdastyrǵan.
Sot barysynda aiyptalýshynyń kinási tolyqtai moiyndaldy. Ol óz kinásin moiyndady. Damir Znaliev birneshe bap boiynsha aiypty dep tanyldy. Osylaisha, sotttyń úkimimen Znaliev 20 jylǵa bas bostandyǵynan aiyryldy. Jazasyn qatań tártiptegi koloniiada óteidi. Sot úkimi áli zańdy kúshine engen joq.
