Atyraýda Tóle, Qazybek jáne Áiteke bige arnalyp alyp eskertkish qoiyldy, dep habarlaidy "Ult aqparat" óńirlik kommýnikatsiialar qyzmetine silteme jasap.
Oblystyq sot ǵimaratynyń ortalyq kire berisinde qazaq bilerine eskertkish ornatyldy. Merekelik sharaǵa Atyraý oblysy ákiminiń birinshi orynbasary Serik Shapkenov, Atyraý oblystyq sotynyń tóraǵasy Marǵulan Bekturǵanov jáne Qazaqstan kásipodaqtar federatsiiasynyń tóraǵasy Baqytjan Ábdiraiym, ziialy qaýym ókilderi jáne aqyndar qatysty.
Oblys ákiminiń birinshi orynbasary Serik Shapkenov óziniń quttyqtaý sózinde eskertkishtiń ashylýy - bul munaily aimaqtyń qoǵamdyq jáne mádeni ómirindegi mańyzdy oqiǵa ekenin atap ótti.
«Joba Elbasynyń «Bolashaqqa baǵdar: Rýhani jańǵyrý» baǵdarlamalyq maqalasy aiasynda júzege asyryldy. Qazaqstan halqy tarihtaǵy eń kúrdeli kezeńde qazaqtardy biriktirýde sheshýshi ról atqaryp, eldiń erkindigi men táýelsizdigi úshin kúresken uly biler - Tóle, Qazybek jáne Áitekeni qurmettep, eshqashan esten shyǵarmaidy. Bul - urpaq sabaqtastyǵy, dástúrler jalǵasy. Eskertkish oblystyq sot ǵimaratynyń janynda kezdeisoq ornatylmaǵan, bul - qazaq halqynyń danalyǵy, ádildigi men abyroiynyń simvoly», - deidi Serik Shapkenov.
Aita keteiik, eskertkishtiń biiktigi - 4 metr. Qoladan jasalǵan jáne mármár tuǵyrda ornalasqan. Eskertkishtiń avtory - ataqty qazaqstandyq músinshi Baqytbek Muhametjanov.
