Atyraýda Qazaqstan týyn kóligine japqan júrgizýshi jazalandy, dep habarlaidy "Ult aqparat".
Oblystyq politsiia departamenti baspasóz qyzmetiniń málimetinshe, bul derek 16 tamyzda jedel basqarý ortalyǵynyń beinebaqylaý kamerasyna túsip qalǵan.
«Atyraý qalasyndaǵy Sh.Erkinov-T.Amandosov kósheleriniń qiylysynda Qazaqstan Respýblikasynyń memlekettik týyn jaýyp kele jatqan Kia Rio avtokóligin beinebaqylaý kamerasyna tústi. Politsiia basqarmasynyń patrýldik politsiia batalonynyń qyzmetkerleri atalǵan avtokólikti basqarǵan 33 jastaǵy júrgizýshini anyqtady. Júrgizýshi Qazaqstan Respýblikasynyń memlekettik rámizderin paidalaný erejesin buzǵany úshin QR Ákimshilik quqyq buzýshylyq týraly Kodeksiniń 458-baby 1-bólimine sáikes ákimshilik jaýapkershilikke tartylyp, qysqartylǵan tártippen 72925 teńge kóleminde aiyppul salyndy» - dep habarlady departamenttiń baspasóz qyzmeti.
