Atyraý oblysynda Kaspii jaǵalaýyndaǵy qamys órtin sóndirý jalǵasyp jatyr, dep habarlaidy "Ult aqparat".
Oblystyq tótenshe jaǵdailar departamenti baspasóz qyzmetiniń málimetinshe, 20 mamyrda qamys órtin cóndirý úshin Atyraýdaǵy órt sóndirý bólimderinen 13 qyzmetker men ATs-6-40, Trekol, Sherp, ASA-20 markaly arnaiy tehnikalar jumyldyrylǵan.
«Qazaviaqutqarý» AQ Mi-8 tikushaǵymen áýeden barlaý júrgizý kezinde shamamen 10,6 gektar aýmaqta 6 órt oshaǵy anyqtaldy. Tikushaqtaǵy «VSÝ-5» qurylǵysymen áýeden sý shashylyp, jiberý arqyly 4 órt oshaǵy sóndirildi» dep habarlady departamenttiń baspasóz qyzmetinen.
Departamentte órtti sóndirýge bailanysty is-qimyldy úilestirý úshin jedel shtab qurylǵan.
Jaǵalaýdaǵy qamys órtin sóndirý jalǵasyp jatyr.
