اتىراۋ وبلىسىندا كاسپيي جاعالاۋىنداعى قامىس ٶرتٸن سٶندٸرۋ جالعاسىپ جاتىر, دەپ حابارلايدى "ۇلت اقپارات".
وبلىستىق تٶتەنشە جاعدايلار دەپارتامەنتٸ باسپاسٶز قىزمەتٸنٸڭ مەلٸمەتٸنشە, 20 مامىردا قامىس ٶرتٸن cٶندٸرۋ ٷشٸن اتىراۋداعى ٶرت سٶندٸرۋ بٶلٸمدەرٸنەن 13 قىزمەتكەر مەن اتس-6-40, ترەكول, شەرپ, اسا-20 ماركالى ارنايى تەحنيكالار جۇمىلدىرىلعان.
«قازاۆياقۇتقارۋ» اق مي-8 تٸكۇشاعىمەن ەۋەدەن بارلاۋ جٷرگٸزۋ كەزٸندە شامامەن 10,6 گەكتار اۋماقتا 6 ٶرت وشاعى انىقتالدى. تٸكۇشاقتاعى «ۆسۋ-5» قۇرىلعىسىمەن ەۋەدەن سۋ شاشىلىپ, جٸبەرۋ ارقىلى 4 ٶرت وشاعى سٶندٸرٸلدٸ» دەپ حابارلادى دەپارتامەنتتٸڭ باسپاسٶز قىزمەتٸنەن.
دەپارتامەنتتە ٶرتتٸ سٶندٸرۋگە بايلانىستى ٸس-قيمىلدى ٷيلەستٸرۋ ٷشٸن جەدەل شتاب قۇرىلعان.
جاعالاۋداعى قامىس ٶرتٸن سٶندٸرۋ جالعاسىپ جاتىر.
