Atyraý oblysynda 37 adam karantindik baqylaýda jatyr. Bul týraly oblystyq Densaýlyq saqtaý basqarmasy basshysynyń orynbasary Gúlnafis Tańbaeva Óńirlik kommýnikatsiialar qyzmetinde ótken brifingte málim etti, dep habarlaidy "Ult aqparat".
Onyń aitýynsha, provizorlyq statsionarda 30 adam jatyr. Al, №2 oblystyq aýrýhananyń infektsiialyq bóliminde 3 adam dárigerlerdiń baqylaýyna alyndy. Sondai-aq, Qurmanǵazy aýdanynda – 2, Mahambet aýdanynda – 1, Jylyoi aýdandyq aýrýhanasynda 1 adam bar.
«Statsionarda jatqan adamdar ózderin jaqsy sezinedi. Olardan alynǵan saraptama qorytyndysy teris nátije kórsetti. Soǵan qaramastan, olar áli de birneshe kún dárigerlerdiń baqylaýynda bolady», - dedi Gúlnafis Tańbaeva.
