Foto: Polisia.kz
Atyraýda esirtki satqan 3 sheteldik 10 jylǵa sottaldy. Qylmystyq is sottalýshylardyń ótinishi boiynsha alqabilerdiń qatysýymen qaraldy, dep habarlaidy «Ult aqparat» Atyraý oblysynyń qylmystyq ister jónindegi mamandandyrylǵan aýdanaralyq sotyna silteme jasap.
Ózbekstan Respýblikasynyń 3 azamatyna QR Qylmystyq kodeksiniń 297-babynyń 3-bóliginiń 1 jáne 3-tarmaǵymen aiyp taǵylǵan.
«Sottalýshylar 2023 jylǵy 11 sáýirde satý maqsatynda Ózbekstan Respýblikasynan Atyraý qalasyna asa iri mólsherde geroin esirtkisin tasymaldaǵan. Esirtkini jalǵa alynǵan páterde saqtaǵan. Sottalýshylar esirtki zatyn zańsyz ótkizýdi jasyryn orynǵa qoiý arqyly júzege asyrǵan. Jalǵa alynǵan páterdi tintý kezinde asa iri mólsherde geroin, az mólsherde apiyn tabylyp, tárkilengen», - dep habarlady sottyń baspasóz qyzmeti.
Sottalýshylardyń kinási kýálardyń jaýaptarymen, saraptama qorytyndylarymen, tergeý áreketteriniń hattamalarymen, fotosýrettermen, mobildi telefonmen sóilesý áńgimelerimen jáne zattai aiǵaqtarmen dáleldengen.
Prokýror sottalýshylarǵa 11 jyl merzimge bas bostandyǵynan aiyrý jazasyn taǵaiyndaýdy surady. Alaida sottalýshylar kinásin tolyǵymen moiyndamai, ózderin aqtaýdy usyndy.
«Alqabilerdiń sheshimimen sottalýshylar R., B., M. QR Qylmystyq kodeksiniń 297-babynyń 3-bóliginiń 1 jáne 3-tarmaǵymen kináli dep tanyldy. Olardyń árqaisysyna 10 jyl merzimge bas bostandyǵynan aiyrý jazasy taǵaiyndaldy», - dep málim etti sottyń baspasóz qyzmetinen.
Sot úkimi zańdy kúshine engen joq.
