فوتو: Polisia.kz
اتىراۋدا ەسٸرتكٸ ساتقان 3 شەتەلدٸك 10 جىلعا سوتتالدى. قىلمىستىق ٸس سوتتالۋشىلاردىڭ ٶتٸنٸشٸ بويىنشا القابيلەردٸڭ قاتىسۋىمەن قارالدى, دەپ حابارلايدى «ۇلت اقپارات» اتىراۋ وبلىسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىنا سٸلتەمە جاساپ.
ٶزبەكستان رەسپۋبليكاسىنىڭ 3 ازاماتىنا قر قىلمىستىق كودەكسٸنٸڭ 297-بابىنىڭ 3-بٶلٸگٸنٸڭ 1 جەنە 3-تارماعىمەن ايىپ تاعىلعان.
«سوتتالۋشىلار 2023 جىلعى 11 سەۋٸردە ساتۋ ماقساتىندا ٶزبەكستان رەسپۋبليكاسىنان اتىراۋ قالاسىنا اسا ٸرٸ مٶلشەردە گەروين ەسٸرتكٸسٸن تاسىمالداعان. ەسٸرتكٸنٸ جالعا الىنعان پەتەردە ساقتاعان. سوتتالۋشىلار ەسٸرتكٸ زاتىن زاڭسىز ٶتكٸزۋدٸ جاسىرىن ورىنعا قويۋ ارقىلى جٷزەگە اسىرعان. جالعا الىنعان پەتەردٸ تٸنتۋ كەزٸندە اسا ٸرٸ مٶلشەردە گەروين, از مٶلشەردە اپيىن تابىلىپ, تەركٸلەنگەن», - دەپ حابارلادى سوتتىڭ باسپاسٶز قىزمەتٸ.
سوتتالۋشىلاردىڭ كٸنەسٸ كۋەلاردىڭ جاۋاپتارىمەن, ساراپتاما قورىتىندىلارىمەن, تەرگەۋ ەرەكەتتەرٸنٸڭ حاتتامالارىمەن, فوتوسۋرەتتەرمەن, موبيلدٸ تەلەفونمەن سٶيلەسۋ ەڭگٸمەلەرٸمەن جەنە زاتتاي ايعاقتارمەن دەلەلدەنگەن.
پروكۋرور سوتتالۋشىلارعا 11 جىل مەرزٸمگە باس بوستاندىعىنان ايىرۋ جازاسىن تاعايىنداۋدى سۇرادى. الايدا سوتتالۋشىلار كٸنەسٸن تولىعىمەن مويىنداماي, ٶزدەرٸن اقتاۋدى ۇسىندى.
«القابيلەردٸڭ شەشٸمٸمەن سوتتالۋشىلار ر., ب., م. قر قىلمىستىق كودەكسٸنٸڭ 297-بابىنىڭ 3-بٶلٸگٸنٸڭ 1 جەنە 3-تارماعىمەن كٸنەلٸ دەپ تانىلدى. ولاردىڭ ەرقايسىسىنا 10 جىل مەرزٸمگە باس بوستاندىعىنان ايىرۋ جازاسى تاعايىندالدى», - دەپ مەلٸم ەتتٸ سوتتىڭ باسپاسٶز قىزمەتٸنەن.
سوت ٷكٸمٸ زاڭدى كٷشٸنە ەنگەن جوق.
