Atyraýda «Eriktiler 50+» klýby quryldy

Atyraýdaǵy «Atamura» qoǵamdyq qory «Eriktiler 50+» klýbyn quryp, izgilikti is bastady, dep habarlaidy QazAqparat.

Sońǵy kezde elimizde qinalǵan jandarǵa qol ushyn sozyp, meiirim tanytýǵa jasy 50-den asqandar da niet tanytyp otyr. Sondai jandar «Eriktiler 50+» klýbynyń quramyna enip, Atyraýdaǵy Qarttar úiine keldi.

«Qarttar úiin tańdaýdaǵy basty sebep – taǵdyr tálkegine tap bolǵan qamkóńil jandarǵa dostyq-baýyrlastyq nietimizdi bildirip, syrlasý. Óitkeni, bul úidi meken etetinderdiń deni – qariialar. Olarǵa udaiy qoldaý kórsetip, meiirim tanytý qajet. Bizdiń bul maqsatymyz oryndaldy. Qariialar bizdiń klýbtyń múshelerimen qosyla án shyrqady. Jastyq shaǵyn eske alyp, bir serpilip qaldy», - deidi «Atamura» qoǵamdyq qorynyń jetekshisi Aǵiba Mustajapqyzy.

Klýb músheleri Qarttar úiindegi jandarmen birge psihologiialyq treningter uiymdastyryp, ioga jattyǵýlaryn jasady. Qarttarmen jarasymdy áńgime-dúken qurdy. Qos tarap ta «ádettegiden ózge sharadan mol áser aldyq» degen oimen tarqasty.

Endi klýb músheleri Qarttar úiiniń turǵyndarymen teatrǵa, kontsertterge birge barýdy josparlap otyr. Sonymen birge, «Eriktiler 50+» klýbynyń múshelerin arttyrýdy da kózdeýde.