Atyraýda er adam podezde áielde pyshaqtap ketti. Ol áieldiń shyqqanyn kútip turyp, oǵan pyshaq jaraqatyn salǵan. Bul týraly "Ult aqparat" "Ne molchi" qoǵamdyq qoryna silteme jasap habarlaidy.
Áiel sýpermarkette jumys isteidi eken jáne kireberis arqyly dárethanaǵa shyqqan. Sol jerde ony burynǵy jigiti ańdyp, pyshaqpen kútip turǵan. Áiel shyqqan kezde oǵan shabýyldap, birneshe ret pyshaq suqqan. Qazir ol jansaqtaý bóliminde jatyr.
Atyraý oblystyq politsiia departamenti jaǵdaiǵa túsinikteme berdi.
"9 maýsymda Atyraýda kópqabatty úilerdiń biriniń dálizinde 33 jastaǵy áiel adamdy óltirýge oqtalǵan 29 jastaǵy kúdiktige qatysty qylmystyq is tirkelip, tergeý bastaldy. Kúdiktiniń jeke basy anyqtalyp, kúdiktini ustaýǵa baǵyttalǵan jedel-izdestirýdiń keshendi sharalary júrgizilip jatyr. Sot-meditsinalyq saraptamasy taǵaiyndaldy. Qazirgi tańda kúdikti men jábirlenýshiniń buryn azamattyq nekede turǵandyǵy anyqtaldy", – dep málimdedi Atyraý oblystyq PD baspasóz qyzmeti.
Departament basqa aqparat jariialanýǵa jatpaitynyn málimdedi.
