Atyraýda emhanadan órt shyǵyp, 45 adam evakýatsiialandy, dep habarlaidy QazAqparat.
Oblystyq tótenshe jaǵdailar departamenti baspasóz qyzmetiniń málimetinshe, emhana búgin, 26 qarashada órtengen.
«Tótenshe jaǵdailar departamentiniń dispetcherlik pýltine saǵat 12:34-te Atyraý qalasynyń «Almagúl» shaǵyn aýdanyndaǵy №7 emhananyń ǵimaratynda tútin shyqqany týraly habar tústi. Oqiǵa ornyna jetken órt sóndirýshiler emhananyń 3-qabatyndaǵy terapiia bólimi meńgerýshisiniń kabinetinde derbes kompiýterdiń janǵanyn anyqtady. Emhana ǵimaratynan 45 adam, onyń 6 bala qaýipsiz jerge evakýatsiialandy. Órt elektr jelisiniń qysqa tuiyqtalýynan shyqqan», - dep habarlady departamenttiń baspasóz qyzmeti.
Jalyn saǵat 12:45-te aýyzdyqtalyp, saǵat 12:49-da tolyq joiyldy. Órtti sóndirýge departamenttiń 20 qyzmetkeri men 6 tehnikasy, apattyq meditsina ortalyǵynan 3 qyzmetker men 1 tehnika jumyldyryldy.
