اتىراۋدا ەمحانادان ٶرت شىعىپ, 45 ادام ەۆاكۋاتسييالاندى, دەپ حابارلايدى قازاقپارات.
وبلىستىق تٶتەنشە جاعدايلار دەپارتامەنتٸ باسپاسٶز قىزمەتٸنٸڭ مەلٸمەتٸنشە, ەمحانا بٷگٸن, 26 قاراشادا ٶرتەنگەن.
«تٶتەنشە جاعدايلار دەپارتامەنتٸنٸڭ ديسپەتچەرلٸك پۋلتٸنە ساعات 12:34-تە اتىراۋ قالاسىنىڭ «الماگٷل» شاعىن اۋدانىنداعى №7 ەمحانانىڭ عيماراتىندا تٷتٸن شىققانى تۋرالى حابار تٷستٸ. وقيعا ورنىنا جەتكەن ٶرت سٶندٸرۋشٸلەر ەمحانانىڭ 3-قاباتىنداعى تەراپييا بٶلٸمٸ مەڭگەرۋشٸسٸنٸڭ كابينەتٸندە دەربەس كومپيۋتەردٸڭ جانعانىن انىقتادى. ەمحانا عيماراتىنان 45 ادام, ونىڭ 6 بالا قاۋٸپسٸز جەرگە ەۆاكۋاتسييالاندى. ٶرت ەلەكتر جەلٸسٸنٸڭ قىسقا تۇيىقتالۋىنان شىققان», - دەپ حابارلادى دەپارتامەنتتٸڭ باسپاسٶز قىزمەتٸ.
جالىن ساعات 12:45-تە اۋىزدىقتالىپ, ساعات 12:49-دا تولىق جويىلدى. ٶرتتٸ سٶندٸرۋگە دەپارتامەنتتٸڭ 20 قىزمەتكەرٸ مەن 6 تەحنيكاسى, اپاتتىق مەديتسينا ورتالىعىنان 3 قىزمەتكەر مەن 1 تەحنيكا جۇمىلدىرىلدى.
