Atyraý qalasyna QR Dinisteri jáne azamattyq qoǵam ministrligi Dinisteri komitetiniń tóraǵasy Ońǵarbaev Erkin Ánýaruly is-saparmen boldy. Sapar barysynda QR Prezidentiniń 2018 jylǵy 10 qańtardaǵy «Tórtinshi ónerkásiptik revoliýtsiia jaǵdaiyndaǵy damýdyń jańa múmkindikteri» atty Qazaqstan halqyna Joldaýynyń negizgi erejelerin jan jaqty túsindirý maqsatynda óńirdegi dini birlestik qyzmetkerleri, úkimettik emes uiymdar jáne BAQ ókilderimen jiyn ótti.
Jiynǵa QMDB-nyń Atyraý oblysy boiynsha ókili, «Imanǵali» ortalyq meshitiniń bas imamy B.Mansurov, «Prihod Sobora Ýspeniia Bojiei Materi Ýralskoi Eparhii» shirkeýiniń basshysy M.Sokolov, Rimdik-katoliktik Atyraý Apostol Ákimshiliginiń Apostol ákimshisi B.Dariýsh, «Shapaǵat» qoǵamdyq qorynyń direktory M.Turlybekov, «Aqparat» qoǵamdyq uiymynyń direktory G.Eleshova, «Tórtinshi bilik» qoǵamdyq birlestiginiń jetekshisi A.Adieva jáne basqa dadini birlestikterdiń, úkimettik emes uiymdary ókilderi qatysty.
Qazaqstan Respýblikasy Prezidentiniń Joldaýynda elimizdiń odan ári damý jolyna maqsatty jáne aiqyn baǵyttar qoiylǵan, osy maqsatta jumyla sheshiletin mindetterdi ózara birlikte atqarý óte mańyzdy. «Joldaý – jańa maqsattarǵa jeteleitin basty qujat. Prezident ózinińQazaqstan halqyna arnaǵan Joldaýynda jańa álem kóshbasshylarynyń qataryna qosylý úshin qajetti mindetterdi nyq senimmen atap kórsetti. Osy Joldaýdy biz yqylaspen qabyldaimyz, onyń mindetterin júzege asyrýda kúshimiz ben úlesimizdi qosamyz», - dedi Komitet tóraǵasy E.Ońǵarbaev.
Sonymen qatar, jiyn barysynda Din salasyndaǵy memlekettik saiasattyń 2017-2020 jyldarǵa arnalǵan tujyrymdamasy negizinde ázirlengen jáne qazirgi ýaqytta Parlament Májilisiniń talqylanýdaǵy «Dini birlestikter men dini qyzmet týraly» Zań jobasyndaǵy birqatar mańyzdy máseleler tóńireginde oi qozǵaldy.
Jiyn sońynda qatysýshylar tarapynan qoiylǵan saýaldarǵa dáiekti jaýaptar berildi.
