Atyraýda Atyraýda el shekarasyn qasaqana buzǵan sheteldikter ustaldy, dep habarlaidy "Ult aqparat".
Oblystyq politsiia departamentiniń baspasóz qyzmetinen málim etkendei, Ózbekstan Respýblikasynyń eki azamaty memlekettik shekarany qasaqana buzyp ótken.
«Atyraý qalasynyń politseileri elimizdiń memlekettik shekarasyn qasaqana buzǵan Ózbekstannyń eki azamattyn anyqtady. Onyń biri 2015 jyldan ÓR Qylmystyq Kodeksiniń 223-babynyń 2-bólimimen tirkelgen qylmystyq is boiynsha zańsyz shekaradan ótkeni úshin izdestirilýde bolǵan. Qazir 27 jastaǵy azamatsha ýaqytsha ustaý izoliatoryna qamaldy. Al, 30 jastaǵy er adam osydan bir jyl buryn QR aýmaǵynan shyǵarylǵan. Soǵan qaramastan ol óziniń aty-jónin ózgertip, shekarany qasaqana kesip ótken» -dep habarlady departamenttiń baspasóz qyzmeti.
Qazir Ózbekstannyń eki azamatyna qatysty QR Qylmystyq Kodeksniń 392-baby 1-bóligimen sotqa deiingi tergeý júrgizilýde.
