Atyraýda COVID-19 indetiniń aldyn alý jumystary kúsheitildi, dep habarlaidy "Ult aqparat".
Koronavirýs infektsiiasynyń taralý qaýpiniń aldyn alý úshin Atyraý oblysyndaǵy meditsinalyq uiymdar epidemiiaǵa qarsy jáne profilaktikalyq sharalardy júzege asyrýǵa tolyqtai daiyn.
Bul týraly búgin Atyraý oblystyq densaýlyq saqtaý basqarmasynyń basshysy Baitolla Ǵazizov málim etti.
«Qazir Atyraý oblysynda koronavirýs juqtyrý deregi joq. Degenmen, koronavirýs juqpasy tirkelgen jaǵdaida oblystaǵy meditsinalyq mekemeler tiisti sharalar qoldanýǵa daiyn. Oblystaǵy dárihanalar men aýrýhanalar meditsinalyq qural-jabdyqtarmen qamtamasyz etildi. Buǵa qosa, 12 IVL apparaty men 100 oryndyq oqshaýlanǵan ǵimarat jasaqtaldy» - dedi Baitolla Ǵazizov.
