Foto: Polisia.kz
Atyraýda Jaiyq ózeni jaǵasynan 313 keliden astam bekire tabyldy. Brakonerler 14 qapqa salynǵan balyqty qamys arasyna jasyrǵan, - dep habarlaidy «Ult aqparat» Kazinform-ǵa silteme jasap.
Balyq sharýashylyǵy komiteti baspasóz qyzmetiniń aqparatyna qaraǵanda, zańsyz aýlanǵan balyq 2 sáýirde saǵat 00:50-de tabylǵan.
«Jaiyq-Kaspii oblysaralyq basseindik balyq sharýashylyǵy inspektsiiasynyń qyzmetkerleri Atyraý oblystyq politsiia departamenti jáne Atyraý oblysynyń mamandandyrylǵan tabiǵat qorǵaý prokýratýrasymen birlesken reid ótkizdi. Reid kezinde Jaiyq ózeniniń jaǵalaýyna ornadasqan Damby aýyly mańyndaǵy 2 ózek tekserildi. Sý aidynynyń jaǵasyndaǵy qamys arasynan 14 qapqa salynǵan jalpy salmaǵy 313,3 keli bekire tuqymdas balyq tabyldy», - dep habarlady komitettiń baspasóz qyzmeti.
Al, saǵat 06:00-de bekire tabylǵan tustan shamamen 400 metr qashyqtyqta ózen jaǵasyna bekitilgen aspaly motory bar 8 júzý quraly tabylǵan. Onyń ishinde 3 «Iamaha-200», «Iamaha-225» jáne 4 «Baida» tipti qaiyǵy bar. iesiz júzý quraldary tárkilendi.
«Zańsyz aýlanǵan bekirege bailanysty derek QR Qylmystyq kodeksiniń 339-babynyń 1-bóligimen sotqa deiingi tergep-tekserýdiń biryńǵai tizimine tirkeldi. Balyq qoryna keltirilgen zalal aldyn ala esep boiynsha – 173 505 540 teńge», - dep málim etti komitettiń baspasóz qyzmetinen.
Eske sala ketelik, budan buryn elimizdiń batysynda keń aýqymdy balyq qorǵaý aktsiiasy bastalǵanyn jazǵan edik.
