فوتو: Polisia.kz
اتىراۋدا جايىق ٶزەنٸ جاعاسىنان 313 كەلٸدەن استام بەكٸرە تابىلدى. براكونەرلەر 14 قاپقا سالىنعان بالىقتى قامىس اراسىنا جاسىرعان, - دەپ حابارلايدى «ۇلت اقپارات» Kazinform-عا سٸلتەمە جاساپ.
بالىق شارۋاشىلىعى كوميتەتٸ باسپاسٶز قىزمەتٸنٸڭ اقپاراتىنا قاراعاندا, زاڭسىز اۋلانعان بالىق 2 سەۋٸردە ساعات 00:50-دە تابىلعان.
«جايىق-كاسپيي وبلىسارالىق باسسەيندٸك بالىق شارۋاشىلىعى ينسپەكتسيياسىنىڭ قىزمەتكەرلەرٸ اتىراۋ وبلىستىق پوليتسييا دەپارتامەنتٸ جەنە اتىراۋ وبلىسىنىڭ مامانداندىرىلعان تابيعات قورعاۋ پروكۋراتۋراسىمەن بٸرلەسكەن رەيد ٶتكٸزدٸ. رەيد كەزٸندە جايىق ٶزەنٸنٸڭ جاعالاۋىنا ورناداسقان دامبى اۋىلى ماڭىنداعى 2 ٶزەك تەكسەرٸلدٸ. سۋ ايدىنىنىڭ جاعاسىنداعى قامىس اراسىنان 14 قاپقا سالىنعان جالپى سالماعى 313,3 كەلٸ بەكٸرە تۇقىمداس بالىق تابىلدى», - دەپ حابارلادى كوميتەتتٸڭ باسپاسٶز قىزمەتٸ.
ال, ساعات 06:00-دە بەكٸرە تابىلعان تۇستان شامامەن 400 مەتر قاشىقتىقتا ٶزەن جاعاسىنا بەكٸتٸلگەن اسپالى موتورى بار 8 جٷزۋ قۇرالى تابىلعان. ونىڭ ٸشٸندە 3 «ياماحا-200», «ياماحا-225» جەنە 4 «بايدا» تيپتٸ قايىعى بار. يەسٸز جٷزۋ قۇرالدارى تەركٸلەندٸ.
«زاڭسىز اۋلانعان بەكٸرەگە بايلانىستى دەرەك قر قىلمىستىق كودەكسٸنٸڭ 339-بابىنىڭ 1-بٶلٸگٸمەن سوتقا دەيٸنگٸ تەرگەپ-تەكسەرۋدٸڭ بٸرىڭعاي تٸزٸمٸنە تٸركەلدٸ. بالىق قورىنا كەلتٸرٸلگەن زالال الدىن الا ەسەپ بويىنشا – 173 505 540 تەڭگە», - دەپ مەلٸم ەتتٸ كوميتەتتٸڭ باسپاسٶز قىزمەتٸنەن.
ەسكە سالا كەتەلٸك, بۇدان بۇرىن ەلٸمٸزدٸڭ باتىسىندا كەڭ اۋقىمدى بالىق قورعاۋ اكتسيياسى باستالعانىن جازعان ەدٸك.
