Atyraýda bir top jasóspirim óz qatarlasyn aiaýsyz soqqyǵa jyqqan. Oqiǵanyń videosy áleýmettik jelilerde tarady, dep habarlaidy "Ult aqparat".
Oblystyq politsiia departamenti baspasóz qyzmetiniń málimetinshe, oqiǵa 11 sáýirde bolǵan.
«Atyraý qalasyndaǵy kolledj jataqhanasynyń janynda 2007 jylǵy jasóspirimge dene jaraqaty salynǵan. Osy derekke qatysty QR Qylmystyq kodeksi 293-babynyń 2-bóligine sáikes tergeý júrgizý bastaldy. Sot-meditsinalyq saraptama taǵaiyndaldy. Kúdikti retinde 2006 jáne 2007 jylǵy jasóspirimder ustaldy. Olar Atyraý qalasyndaǵy №2 politsiia bólimine jetkizildi», - dep habarlady departamenttiń baspasóz qyzmeti.
