Foto: © Sputnik / Abzal Kaliev
Atyraýda bes mekteptiń oqýshylary tórtinshi toqsandaǵy sabaqty onlain oqýy múmkin. Qalalyq bilim bólimi basshysynyń orynbasary Erlan Balmuhanov №13, 31, 19, 22 jáne 27-mektepterde kúrdeli jóndeý jumystaryn bastaý úshin osyndai sheshim qabyldanǵanyn aitty, dep habarlady Habar 24.
"Atalǵan mektepterdiń oqýshylary oqý jylynyń aiaǵyna deiin sabaqty qashyqtan oqýǵa aýystyryldy. Sebebi naýryzdyń sońynda bes mektepte kúrdeli jóndeý jumystaryn bastaý josparlanǵan. Qazir merdiger mekemelermen sharttar jasalyp, daiyndyq jumystary júrgizilip jatyr. Onyń merzimi 3,5 aidan 6,5 aiǵa deiin sozylýy múmkin", - delingen ata-analarǵa taratqan habarlamada.
Oblystyq bilim basqarmasynyń basshysy Gúlnár Sádýaqasovanyń aitýynsha, jańa oqý jylyna deiin kúrdeli jóndeý jumysy aiaqtalmai qalady degen qaýip bar. Soǵan bailanysty qazir kelisissózder júrip jatyr.
"Merdigerler oqýshylardy onlain oqytý týraly usynys bildirgen. Biraq áli naqty sheshim qabyldanǵan joq. Ol mektepterdi onlainǵa jiberý úshin ministrliktiń ruqsatyn alýymyz kerek", - dep túsindirdi basqarma basshysy.
