Jelide Atyraýdaǵy bes qabatty úidiń aýlasynda UQK departamentiniń arnaiy jasaq qyzmetkerleri úsh adamdy ustaǵany beinelengen video tarady.
Belgili bolǵandai, ashyq qylmys jasaýdan taiynbaǵan "salafizm" destrýktivti dini aǵymyn ustanýshylar adam urlap, oǵan qun talap etken, dep habarlady azh.kz.
"16 sáýir kúni 1990 jáne 1991 jyldary týǵan úsh jigit Ózbekstan azamaty S. Ia-ny kúshpen páterinen urlap áketip, onyń dosy, Ózbekstan azamaty M.S-dan 300 myń teńge qun talap etken. Qaskúnemder buǵan deiin M.S-dan qorqytyp 100 myń teńge kóleminde aqsha alǵany anyqtaldy", - dep habarlady Atyraý oblysy politsiia departamentiniń ekstremizmge qarsy kúres basqarmasy.
Ustalǵandardan zardap shegýshilerdiń aqshasy men zattary, sondai-aq urlanǵan adamdy uryp-soǵýǵa paidalanǵan nýnchaki, zardap shegýshilerdiń bireýine tiesi "Lada Largýs" avtokóliginiń kiltin tárkilep aldy.
Kúdiktilerge adam urlaý jáne bopsalaý faktisi boiynsha qylmystyq is qozǵaldy, materialdar politsiia departamentine ári qarai tergeýge berildi.
19 sáýirde Atyraý qalasynyń mamandandyrylǵan tergeý soty kúdiktilerdi eki ai merzimge qamaýǵa alýǵa sanktsiia berdi. Olar qazirdiń ózinde qylmysyn moiyndap otyr.
