Atyraýda balyqshylar 100 kelilik bekireni aýǵa túsirdi, dep habarlady "Habar 24".
Telearnanyń habarlaýynsha, Atyraý bekire shabaqtaryn ósirý zaýyty úshin kóktemgi balyq aýlaý maýsymy sátti bastaldy.
"Balyq zaýytynyń tapsyrysymen jumys isteitin óndiristik kooperativ balyqshylary salmaǵy 100 keli, uzyndyǵy 2 metr bolatyn alyp bekire ustady. Bul baǵaly balyq bekireniń qorytpa degen túri. Zaýyttar endi bul sý jándiginiń uryǵyn alyp, arnaiy zerthanada kóbeitýdi kózdep otyr. Sońǵy 15 jyldan beri tuqymy sirep ketken bekire tektes balyqtardy aýlaýǵa múlde tyiym salynǵan", - dep habarlady tilshi.
Aita keteiik, qazir tek ǵylymi-selektsiialyq baǵytta az kólemde ǵana aýlaýǵa ruqsat etiledi. Baǵaly balyq qoryn tolyqtyrýǵa atsalysyp jatqan Atyraýdaǵy eki zaýyt jyl saiyn 7 million dana bekire shabaǵyn ósirip, Jaiyq ózeni arqyly Kaspii teńizine jiberedi.
