اتىراۋدا بالىقشىلار 100 كەلٸلٸك بەكٸرەنٸ اۋعا تٷسٸردٸ, دەپ حابارلادى "حابار 24".
تەلەارنانىڭ حابارلاۋىنشا, اتىراۋ بەكٸرە شاباقتارىن ٶسٸرۋ زاۋىتى ٷشٸن كٶكتەمگٸ بالىق اۋلاۋ ماۋسىمى سەتتٸ باستالدى.
"بالىق زاۋىتىنىڭ تاپسىرىسىمەن جۇمىس ٸستەيتٸن ٶندٸرٸستٸك كووپەراتيۆ بالىقشىلارى سالماعى 100 كەلٸ, ۇزىندىعى 2 مەتر بولاتىن الىپ بەكٸرە ۇستادى. بۇل باعالى بالىق بەكٸرەنٸڭ قورىتپا دەگەن تٷرٸ. زاۋىتتار ەندٸ بۇل سۋ جەندٸگٸنٸڭ ۇرىعىن الىپ, ارنايى زەرتحانادا كٶبەيتۋدٸ كٶزدەپ وتىر. سوڭعى 15 جىلدان بەرٸ تۇقىمى سيرەپ كەتكەن بەكٸرە تەكتەس بالىقتاردى اۋلاۋعا مٷلدە تىيىم سالىنعان", - دەپ حابارلادى تٸلشٸ.
ايتا كەتەيٸك, قازٸر تەك عىلىمي-سەلەكتسييالىق باعىتتا از كٶلەمدە عانا اۋلاۋعا رۇقسات ەتٸلەدٸ. باعالى بالىق قورىن تولىقتىرۋعا اتسالىسىپ جاتقان اتىراۋداعى ەكٸ زاۋىت جىل سايىن 7 ميلليون دانا بەكٸرە شاباعىن ٶسٸرٸپ, جايىق ٶزەنٸ ارقىلى كاسپيي تەڭٸزٸنە جٸبەرەدٸ.
