Biyl Atyraý oblysynda balyq qorǵaý zańnamasyn buzǵandarǵa 20 mln teńgeden astam aiyppul salyndy, dep habarlaidy "Ult aqparat".
Oblystyq balyq sharýashylyǵy basqarmasynyń basshysy Artýr Sádibekulynyń aitýynsha, balyq resýrstaryn qorǵaý maqsatynda politsiia men shekara qyzmetiniń kúshimen brakonerlikpen kúreske basa mán berilgen.
«Biyl brakonerlikke qarsy pármendi jumystardyń nátijesinde balyq qorǵaý zańnamasyn buzǵan 1 886 derek anyqtaldy. Onyń ishinde 1 050 adam ákimshilik jaýapkershilikke tartylyp, 5 qylmystyq is qozǵaldy. Sondai-aq, balyq qorǵaý zańnamasyn buzýshylarǵa 20 million 724 myń teńge kóleminde ákimshilik aiyppul salyndy. Bul baǵyttaǵy jumystar áli de jalǵasýda», - dedi Artýr Sádibekuly.
