Atyraýda 19 qyrkúiekte er adam áieldiń aýlasyna kirip, ishkiimsiz júrip terezeden baqylaǵan. Onyń áreketi beinebaqylaý kamerasyna jazylyp qalǵan, dep habarlaidy Ult.kz.
Bastapqyda is «usaq buzaqylyq» retinde qaralyp, kúdiktige 60 saǵat qoǵamdyq jumys taǵaiyndalǵan. Alaida jábirlenýshi qosymsha dálelder usynǵannan keiin is qaita saralanyp, Qylmystyq kodekstiń jańa 115-1-baby («Stalking») boiynsha qozǵaldy.
🔹 Áieldiń týystary er adamnyń áreketteriniń jynystyq sipatta bolǵanyn málimdedi.
🔹 Oqiǵa jariia bolǵan soń taǵy birneshe jábirlenýshi dál osy kúdiktige qatysty shaǵymdanǵan.
Aita keteiik, Qazaqstanda «Stalking» baby 16 qyrkúiekten bastap kúshine engen. Ol boiynsha 200 AEK-ke deiin aiyppul salý, túzeý nemese qoǵamdyq jumystarǵa tartý, ne 50 táýlikke deiin qamaýǵa alý jazasy qarastyrylǵan.
