Atyraýda ákesi men jasóspirim uly Jaiyq ózenine batyp ketti, dep habarlaidy QazAqparat.
Bul týraly búgin, 25 tamyzda, saǵat 16:08-de oblystyq politsiia departamentiniń kezekshisine habar túsken.
Oblystyq tótenshe jaǵdailar departamentiniń qutqarýshylary shaqyrtý ornyna jetip, saǵat 16:16-da sýǵa batqandardy izdestire bastady.
Sýǵa batyp ketken er adam 27 jasta bolǵan. Onyń uly 2013 jylǵy.
«Ákesi men balasynyń Jaiyq ózeniniń sýǵa túsýge jabdyqtalmaǵan tusynda batyp ketkeni anyqtaldy. Tótenshe jaǵdailar departamentiniń qutqarýshylary jergilikti ýaqytpen saǵat 16:35-te 35 jastaǵy er adamnyń denesin Jaiyq ózeninen taýyp, jaǵaǵa shyǵardy. Al, balanyń denesi saǵat 18:44-te tabyldy», - dep habarlady departamenttiń qoǵammen bailanys tobynan.
Jaiyq ózenine batyp ketken ákesi men balasyn izdestirý jumystaryna tótenshe jaǵdailar departamentiniń 4 qyzmetkeri, 1 júzý quraly, oblystyq politsiia departamentiniń 10 qyzmetkeri, 2 tehnikasy tartyldy.
