Foto: © Sputnik / Vladimir Pesnia
Atyraý oblysynda 5 politsei tán jáne psihikalyq zardap keltirdi degen kúdikke ilindi, dep habarlaidy "Ult aqparat" oblystyq prokýratýranyń baspasóz qyzmetine silteme jasap.
"21 maýsymda Atyraý oblystyq prokýratýrasy adamdy azaptady degen kúdikpen Atyraý qalalyq politsiia basqarmasynyń 5 jedel ýákiline qatysty qylmystyq isti sotqa joldady (QK-tiń 146-b. 2-b. 1-t.).
Olar biyl aqpanda aldyn ala sóz bailasyp, azamat R-ǵa qylmysty moiyndatý maqsatynda anyqtaýdyń ruqsat etilmegen ádisterin qoldanyp, tán jáne psihikalyq zardap keltirdi degen kúdikke ilindi", - dep málimdedi vedomstvo.
Aita keteiik, atalǵan derekke qatysty QR Qylmystyq koldeksiniń 146-baby, 2-bóligi ("Qatygez, adamgershilikke jatpaityn nemese qadir-qasietti qorlaityn qarym-qatynas, azaptaýlar") boiynsha tergep-tekserý júrgizilgen.
Eske salaiyq, elimizdiń Ata zańy kepildik bergendei, eshkimdi azaptaýǵa, oǵan zorlyq-zombylyq jasaýǵa, qatygezdik nemese adamdyq qadir-qasietin qorlaityndai jábir kórsetýge ne jazalaýǵa bolmaidy jáne zańdy negizderdi qospaǵan jaǵdailardy qylmystyq qýdalaý orbitasyna tartýǵa jol berilmeidi.
