Atyrýda 9 qabatty eki úi karantindik statsionarǵa beriledi, dep habarlaidy QazAqparat.
Atyraý qalasy ákiminiń orynbasary Rinat Jańǵylyshovtyń aitýynsha, qazir Bereke shaǵynaýdanynda 240 páterli kópqabatty 10 úidiń qurylysy júrip jatyr. Búginge deiin 3 úi paidalanýǵa berilip, bir qabatyna apatty jaǵdaidaǵy baspana turǵyndary ornalasqan.
«Taǵy 2 úi daiyn tur. Biraq aimaqta koronavirýs infektsiiasynyń taralýyna bailanysty bul úilerdi oqshaýlaý orny retinde paidalaný jóninde sheshim qabyldandy. Bul úilerdiń árqaisysynda 240 páter bar. Iaǵni, 2 úide 480 oryn bar» - deidi Atyraý qalasy ákiminiń orynbasary Rinat Jańǵylyshov.
Búgin bul úilerdi politsiia qyzmetkerleri oqshaýlady. Onda dezinfektsiia júrgiziledi. Keiin munda dezinfektsiiany 3 kún saiyn júrgizý josparlanyp otyr.
«Munda indet juqtyrǵandarmen bailanys jasaǵan adamdar ýaqytsha ornalasady. Bul turǵyndarǵa qaýip týǵyzbaidy», - deidi Rinat Jańǵylyshov.
