Atyraýda 73 jastaǵy dáriger koronavirýsqa qarsy vaktsina saldyrdy, dep habarlaidy "Ult aqparat".
Oblys ákiminiń orynbasary Baqytgúl Hamenovanyń málimetinshe, Atyraýǵa vaktsinalaý bastalardan bir kún buryn «Spýtnik-V» vaktsinasynyń 1000 dozasy jetkizilgen. Vaktsina salý úshin Atyraý qalasynda 16, al aýdandarda 8 arnaiy oryn daiyndalǵan.
«Dárigerlermen birge, koronavirýsqa qarsy vaktsinanyń ekinshi komponentin aldym. Vaktsinatsiia azdap aýyrsynýmen qatar júrdi. Biraq birinshi kezeńnen keiin janama áseri bolǵan joq. Vaktsina alý – «Covid-19» qaýipti virýsyn juqtyrmaýdyń basty joly», - deidi Baqytgúl Hamenova.
Vaktsina saldyrǵan dárigerlerdiń arasynda 73 jastaǵy hirýrg Marat Esjanov ta bar. Onyń aitýynsha, vaktsinanyń janama áseri joq.
«Men de 1 aqpanda áriptesterimmen birge koronavirýsqa qarsy vaktsinanyń birinshi kezeńin aldym. Dene qyzýy, álsizdik, bas ainalý sekildi áserler, basqa da asqynýlar bolǵan joq. Vaktsinatsiiadan keiin 10-15 minýt dárigerler baqylaýynda boldyq. Keiin kúndelikti jumysymyzǵa kiristik», - deidi Marat Esjanov.
