Atyraýda №2 sot Bilim basqarmasy basshysynyń burynǵy orynbasary Tolǵanai Kólbaevaǵa qatysty úkim shyǵardy, - dep habarlaidy Tengrinews.kz tilshisi "Moi GOROD" saityna silteme jasap.
Sheneýnik 2015 jyldan 2020 jylǵa deiingi aralyqta qyzmet babyn paidalanyp, seriktesimen birge 111 million teńge jymqyrǵan.
"Osy aqshanyń 54 millionyn Kólbaeva, qalǵanyn seriktesi alǵan. Olar ózderine zańsyz jalaqy alý arqyly qylmys jasady. Kólbaeva aqshany óziniń bank kartasyna, sondai-aq, anasynyń kartasyna aýdarǵan", - delingen is materialdarynda.
Sot tergeýi barysynda áiel óz kinásin moiyndap, ókinishin bildirgen. Ol tergeýde belsendilik tanytyp, qarajatty tolyǵymen qaitardy. Úkim shyǵarý kezinde sot sottalýshynyń kámeletke tolmaǵan balalary bar ekenin de eskerdi.
Eks-sheneýnik kináli dep tanylyp, ortasha qaýipsiz qylmystyq-túzetý mekemesinde jazasyn ótep, jeti jylǵa bas bostandyǵynan aiyryldy. Sonymen qatar, oǵan ómir boiy memlekettik qyzmette jumys isteýge tyiym salyndy. Sottalýshynyń balalary bolýyna bailanysty sot jazany bes jylǵa deiin keiinge shegerýge sheshim shyǵardy.
Úkim zańdy kúshine engen joq jáne shaǵym jasalýy múmkin.
Eske salaiyq, buǵan deiin Pavlodarda mádeni-demalys ortalyǵynyń basshysy mekemege bólingen 40 million teńgeden astam biýdjet qarajatyn jymqyrǵany úshin jeti jylǵa bas bostandyǵynan aiyrylǵan bolatyn.
