Atyraýda 42 myń adam jumys berýshiler esebinen ekpe jasatty, dep habarlaidy QazAqparat.
«Kún sýytqan saiyn tumaý nemese JRVI juqtyryp alý qaýpi de joǵarylaidy, ýaqytynda emdelmese aýrý asqynyp ketýi múmkin. Bizde aýyryp qalý qaýpi joǵary top bar, olarǵa – meditsina qyzmetkerleri, balalar men qariialar, múgedekter men aiaǵy aýyr áielder jatady. Olarǵa erekshe kóńil bólemiz, tegin ekpe jasaimyz. 2019 jyly bul toptaǵylarǵa jergilikti biýdjet 30 myń ekpe aldyrǵan. Topqa kirmeitinder aqyly negizde ekpe ala alady. Qazirgi ýaqytta tumaýǵa qarsy 984 adam aqyly negizde jáne 42 047 adam jumys berýshilerdiń esebinen ekpe saldyrǵan», - dep málimdedi Atyraý oblysy Taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysynyń mindetin atqarýshy Amantai Jumaǵaliev.
Esterińizge sala keteiik, Atyraý oblysynda 20-29 jas aralyǵyndaǵy turǵyndarǵa qyzylsha men qyzamyqqa qarsy qosymsha ekpe jasalyp jatyr. Búgingi kúnge deiin 47 250 adam saldyryp úlgergen. Qyzylsha men qyzamyqqa qarsy ekpe jasaý jyl sońyna deiin jalǵasady.
