Atyraýda 2011 jyldan beri halyqaralyq izdeýde júrgen Ózbekstan azamaty ustaldy, dep habarlaidy QazAqparat.
Oblystyq politsiia departamentiniń bastyǵy, politsiia polkovnigi Nurhat Orazbaevtyń aitýynsha, sheteldik Atyraýǵa aqpan aiynyń basynda kelgen.
«Atyraý qalalyq politsiia basqarmasy kóshi-qon qyzmeti bóliminiń qyzmetkerleri 2011 jyldan beri halyqaralyq izdeýde júrgen Ózbekstan Respýblikasynyń 1987 jylǵy azamatyn ustady. Halyqaralyq izdeýdegi kúdikti Ishki ister ministrliginiń turaqty monitoring júrgiziletin kóshi-qon aqparattyq bazasy arqyly anyqtalǵan. Ózbekstandyqqa 2011 jyly Resei Federatsiiasy federaldyq qaýipsizdik qyzmeti RF Qylmystyq kodeksiniń 322-babynyń 1-bóligimen izdeý jariialaǵan», - deidi Nurhat Orazbaev.
