Atyraý oblysyndaǵy 145 dárihanaǵa eń qajetti dári-dármekter bólindi. Bul týraly oblystyń bas sanitar dárigeri Sádýaqas Baiǵabylov málim etti, habarlaidy "Ult aqparat".
Bas sanitar dárigerdiń aitýynsha, Atyraý oblysyndaǵy 314 dárihananyń 223-i Atyraý qalasynda ornalasqan. Dárihanalardy dári-dármekpen ýaqytyly qamtý úshin 7 shildede «Inkar» JShS qoimasyna 220 mln teńgeniń 430 túrli dári-dármegi jetkizilgen. Onyń ishinde azitromitsin, tsefazolin, tseftriakson, sondai-aq, qyzý túsiretin dáriler bar.
«Óńirdegi 145 dárihanaǵa 13 shildede eń qajetti dári-dármek bólindi. Kún saiyn dárihanalarda dári-dármektiń bar-joǵyna monitoring júrgiziledi. Dári baǵasynyń turaqtylyǵy men bir adamǵa beriletin normasyn saqtaý úshin oblystyq ákimdik, «FarmQaýymdastyq» qoǵamdyq birlestigi jáne Atyraý oblystyq taýarlar men qyzmetterdiń sapasy men qaýipsizdigin baqylaý departamenti arasynda memorandýmǵa qol qoiyldy. Sondai-aq, dárilik preparattardyń baǵasyna baqylaý júrgizý úshin tiisti departament ókilderinen mobildi toptar quryldy» - dedi Atyraý oblysynyń bas memlekettik sanitar dárigeri Sádýaqas Baiǵabylov.
