Kórneki foto: pixabay.com
Atyraýda 1000-ǵa jýyq psihotropty dári saqtaǵan kúdikti ustaldy, dep habarlaidy "Ult aqparat" IIM baspasóz qyzmetine silteme jasap.
14 qarashada Esirtki qylmysyna qarsy is-qimyl basqarmasy qyzmetkerleri Kóktem yqsham aýdanyna esirtki zattaryn jáne dárigerdiń taǵaiyndaýynsyz áseri aýyr dárilik preparattardy zańsyz saqtady degen kúdikpen 1979 jyly týǵan qala turǵynyn anyqtaǵan.
"Meken-jai boiynsha tekserý kezinde 996 dana áseri qatty túrli psihotropty dáriler, sondai-aq 29 dana bekire tuqymdas balyǵy men esh jerde tirkelmegen atys qarýy, sondai-aq politelen paketke salynǵan ótkir iisi bar ósimdik tárkilendi.
Sot saraptamasy boiynsha alynǵan zattar keptirilgen marihýana ekeni belgili boldy.
QR QK-niń 296-baby 2-bóligi boiynsha sotqa deiingi tergep-tekserý bastaldy. Ózge aqparat QPK-niń 201-babyna sáikes jariialanýǵa jatpaidy" - delingen habarlamada.
