Sýret: ashyq derekkóz
Atyraýda ortalyq basseinde qaraýsyz qalǵan on jasar qyz sýǵa batyp ketti, dep habarlaidy "Ult aqparat".
Qaiǵyly oqiǵa 14 shilde saǵat 16:30-da boldy. Qyz tereńdigi 2-den 5,5 metrge deiingi basseinde júzip, sýǵa batyp ketti.
"Oqiǵa deregi boiynsha qylmystyq is qozǵaldy. Saraptama taǵaiyndaldy jáne keshendi tergeý júrgizilýde", - dep habarlady Atyraý oblysynyń politsiia departamentinde.
Qylmystyq isti QR QK 141-babynyń 2-bóligi (abaisyzda jas balanyń ólimine ákep soqtyrǵan balalardyń ómiri men densaýlyǵynyń qaýipsizdigin qamtamasyz etý jónindegi mindetterdi tiisinshe oryndamaý) boiynsha tergep-tekseredi. Kúdiktiniń kim ekeni áli belgisiz, biraq oǵan bes jylǵa deiin bas bostandyǵynan aiyrý nemese sol merzimge bas bostandyǵynan shekteý qaýpi tónip tur.
Turǵyndardyń aitýynsha, basseinde eresekterdiń erip júrýine tyiym salynady, tek abonementteri bar adamdarǵa jáne keshen qyzmetkerlerine ruqsat etiledi.
