Atyraýda energetikalyq kámpitten ýlanǵan bala qutqaryldy, dep habarlaidy "Ult aqparat".
Oblystyq densaýlyq saqtaý basqarmasynyń baspasóz qyzmeti habarlaǵandai, on jasar er bala oblystyq aýrýhanaǵa es-tússiz kúide jetkizilgen. Balaqaidyń ata-anasy jaǵdaidyń mán-jaiyn túsine almaǵan. Ol jansaqtaý bólimine jatqyzyldy. Jedel taldama nátijesi quramynda kofeini bar zattan ýlanǵanyn kórsetti. Tiisti em-dom sharalarynan keiin bala esin jinaǵan. Olar úige kelgennen keiin jetkinshek «Flush UP» energetikalyq kámpitiniń birnesheýin satyp alyp jegenin aitty.
«Qazirgi ýaqytta kishkentai patsienttiń jaǵdaiy jaqsy. Onyń ómirine qaýip tónip turǵan joq», - dep habarlady oblystyq densaýlyq saqtaý basqarmasy.
