Atyraý jáne Mańǵystaý oblystary ákimdikteriniń hattary negizinde jáne QR Indýstriia jáne infraqurylymdyq damý ministrliginiń kelisimi boiynsha 2020 jylǵy 25 qyrkúiekten bastap Atyraý jáne Mańǵystaý oblystaryna jolaýshylar poiyzdary qatynai bastaidy, dep habarlaidy "Ult aqparat".
Olar:
1) №37/38 «Mańǵystaý – Nur-Sultan Nurly jol» poiyzy Mańǵystaýdan 2020 jyldyń 26 qyrkúieginen bastap, Nur-Sultannan 2020 jyldyń 28 qyrkúieginen bastap jóneltiledi;
2) №41/42 «Atyraý – Almaty-1» poiyzy Atyraýdan 2020 jyldyń 26 qyrkúieginen bastap, Almatydan 2020 jyldyń 28 qyrkúieginen bastap jóneltiledi;
3) №47/48 «Atyraý – Nur-Sultan Nurly jol» poiyzy Atyraýdan 2020 jyldyń 25 qyrkúieginen bastap, Nur-Sultannan 2020 jyldyń 27 qyrkúieginen bastap jóneltiledi;
4) №77/78 «Almaty-2 – Mańǵystaý» poiyzy 2020 jyldyń 25 qyrkúieginen bastap Almatydan jáne Mańǵystaýdan jóneltiledi;
5) №309/310 «Mańǵystaý – Aqtóbe» poiyzy Mańǵystaýdan 2020 jyldyń 25 qyrkúieginen bastap, Aqtóbeden 2020 jyldyń 26 qyrkúieginen bastap jóneltiledi;
6) №313/314 «Atyraý – Mańǵystaý» poiyzy Atyraýdan 2020 jyldyń 25 qyrkúieginen bastap, Mańǵystaýdan 2020 jyldyń 26 qyrkúieginen bastap jóneltiledi;
7) №691/692 «Aqtóbe – Atyraý» poiyzy 2020 jyldyń 25 qyrkúieginen bastap Aqtóbeden, 2020 jyldyń 26 qyrkúieginen bastap Atyraýdan jóneltiledi.
Jolaýshylar poiyzdarynyń qozǵalys kestesi boiynsha barlyq aqparatty «105» nómiri arqyly alýǵa bolady.
«Ulttyq tasymaldaýshy jolaýshylardan jol júrý qujattaryn onlain, sonyń ishinde resmi BILET.RAILWAYS.KZ saity arqyly resimdeýlerin, jolaýshylardan sanitarlyq-karantindik talaptardy, áleýmettik qashyqtyqty (keminde 1 metr), vokzal aýmaǵynda jáne poiyz ishinde betperde rejimin qatań saqtaýlaryn suraidy. Sondai-aq, saparǵa shyǵar kúni biletter bolmaǵan jaǵdaida, «Kútý paraǵy» atty tegin qyzmetti paidalanýǵa bolatynyn eske salamyz»,-delingen «Jolaýshylar tasymaly» AQ baspasóz qyzmeti taratqan málimette.
