Atyraý óńirinde isik aýrýy «jasaryp» barady. Bul týraly búgin Atyraý oblysynyń ákimi Mahambet Dosmuhambetov aitty, dep habarlaidy "Ult aqparat".
«Ekologiianyń buzylýy adam balasynyń densaýlyǵyna teris áser etetinin bilemiz. Onkologiia aýrýlaryna keler bolsaq, meniń málimetimshe Atyraý oblysy birinshi orynda emes. Respýblika deńgeiinde ortasha nemese odan da tómen. Sońǵy 2-3 jylda 100 myń adamǵa shaqqanda bizde onkologiialyq kórsetkishterdiń jasaryp bar jatqanyn da bilip otyrmyz. Árine, bul oblys boiysha úlken másele», - dedi Atyraý oblysynyń ákimi Ortalyq kommýnikatsiialar qyzmetindegi baspasóz máslihatynda.
Óńir basshysynyń dereginshe, Atyraý oblysynda onkologiialyq aýrýǵa shaldyqqan 4 100-den astam adam bar.
«Onyń úsh myńnan astam emdeýden ótken. Aýrýǵa qarsy kúres uimdastyrý baǵytynda qazir rentgen apparattary, tsifrlyq momograftar, KT-apparattary, MRT-apparattary bir júiege qosyldy. Bul júie onkologiialyq aýrýdy erte satyda anyqtap, naýqasty der ýaqytynda emdeýge múkindik beredi», - dedi Mahambet Dosmuhambetov.
