Atyraý oblysynyń iri kásiporyndary Elbasynyń úndeýine qoldaý bildirdi, dep habarlaidy "Ult aqparat".
«Atyraý oblysynyń jetekshi kásiporyndary, Elbasynyń koronavirýske qarsy kúres qoryn qurý týraly málimdemesin tolyqtai qoldaimyz.
Bundai kúrdeli kezde eshkim ortaq isten tys qalmaýy tiis.
Bizdiń kásiporyndardyń ujymdary epidemiia qaterin jete túsinip otyr jáne jaýapkershilik tanytyp, azamattyq sanaǵa súienip, koronavirýske qarsy kúreske belsene atsalysýǵa ázir.
Búginde bizdiń kásiporyndarymyz meditsinalyq mekemeler men meditsinalyq personalǵa úlken kómek kórsetip jatyr.
Qomaqty qarajat bólinip, oǵan qajetti meditsinalyq jabdyqtar, teplovizorlar, jeke qorǵaný quraldary satyp alynýda. Elbasynyń málimdemesi kúrdeli kezeńdegi jaqsy jańalyq bolyp, rýhani qýat beredi» - delingen úndeý mátininde.
Sondai-aq, iri kásiporyndar ókilderi áleýmettik jaýapkershilik tanytatynyn jetkizdi.
«Biz talai qiyn-qystaý zamandy basymyzdan keshirip, árdaiym qiyndyqtardy jeńip keldik. Áleýmettik jaýapkershilik tanytyp jáne qoǵamymyzdyń birligin saqtap, biz bul qaterli infektsiiany da jeńemiz, azamattardyń densaýlyǵyn jaqsartamyz», - deidi olar.
Úndeýge «Tenizshevroil» JShS, «NCOC» kompaniiasy, «Embimunaigaz» AQ syndy iri kásiporyndar qoldaý bildirdi.
