Atyraý oblysynyń ákimi Mahambet Dosmuhambetov jalaqysynyń kólemin jariialady, - dep habarlaidy Tengrinews.kz tilshisi.
"Jalaqy týraly. Qazir ákimder jalaqysy kóterilip jatqanyn biletin shyǵarsyzdar. Meniń jalaqym aiyna 1 million 954 myń teńge", - dedi ákim Ortalyq kommýnikatsiialar qyzmetiniń brifinginde jýrnalisterdiń saýaldaryna jaýap berip.
Buǵan deiin Qyzylorda oblysynyń ákimi Gúlshara Ábdiqalyqova aiyna 1,8 million teńge alatynyn málimdegen bolatyn. Túrkistan oblysynyń ákimi Ómirzaq Shókeev te 1,8 million teńgeden asa jalaqy alady.
