Primorskii kanalynda óli balyqtar tabyldy. Bul týraly Ekologiia, geologiia jáne tabiǵi resýrstar ministrligi Orman sharýashylyǵy jáne janýarlar dúniesi komitetiniń baspasóz hatshysy Sáken Dildahmet málim etti, dep habarlaidy "Ult aqparat".
«21 sáýir kúni tańǵy saǵat 7 shamasynda Primorskii kanaly boiynda Jaiyqqa qarai aǵatyn salasynda óli jáne shalajansar balyqtar baiqalyp otyr. Aǵyn Jaiyqqa qarai quiyp jatyr, balyqtar aǵynmen osylai qarai aǵylýda», - delingen áleýmettik jeli arqyly taralǵan videoda.
Osy oraida aqtaban men torta balyqtary anyqtaldy. Zerthanalyq zertteý sharalaryn júrgizý úshin birneshe jerde sýdyń synamasy alyndy.
Ekspress taldaý ádisimen sýda erigen ottektiń kontsentratsiiasy anyqtaldy: Jaiyq ózeninde - 9,7 mg/l, Jaiyq ózeni men Primorskii kanalynyń toǵysqan jerinde - 3,5 mg/l, al Primorskii kanalynyń ortasynda 1,5 mg/l.
Belgili bolǵandai, sý aǵyny kezinde baiqalǵan jansyz balyqtardyń basym bóligi Jaiyqqa jetkende tirilip, ózen boiymen taralyp ketti. Mamandar óli balyqty jinap aldy. Qazirgi kezde óli balyqtyń kólemi eseptelýde.
«Osy oraida qyrylǵan balyqtan synama alynyp, veterinarlyq inspektsiiaǵa jiberildi. Balyqtyń ólýi sebebi zerthanalyq zertteýlerden keiin jariialanady», - delingen habarlamada.
