Atyraý oblysynyń Isatai aýdanyndaǵy Tushyqudyq aýylynda joǵalyp ketken úsh jáne tórt jastaǵy eki búldirshin aman-esen tabyldy, dep habarlaidy ult.kz.
Aldyn ala málimetke sáikes, oqiǵa 17 shilde kúni keshki ýaqytta bolǵan. Balalardyń joǵalǵany týraly habarlama túsken boida olardy izdeýge politsiia qyzmetkerleri, tótenshe jaǵdailar qyzmetiniń mamandary jáne jergilikti turǵyndar jumyldyryldy.
Bastapqy aqparatqa sáikes, búldirshinderdi aýyldyń 25 jastaǵy turǵyny ertip ketken. Kýágerlerdiń aitýynsha, ol balalarǵa balmuzdaq alyp beretinin aityp, ózimen birge alyp shyqqan.
Jedel uiymdastyrylǵan izdestirý jumystarynyń nátijesinde shamamen úsh saǵattan keiin eki bala da din aman tabyldy. Kúdikti ustalyp, aýdandyq politsiia bólimine jetkizildi.
Áleýmettik jelilerde kúdiktiniń psihikalyq aýrýǵa shaldyqqany týraly túrli aqparat taraǵanymen, qazirgi ýaqytta bul málimet quzyrly organdar tarapynan resmi túrde rastalǵan joq. Oqiǵanyń barlyq mán-jaiyn politsiia anyqtap jatyr.
