Atyraý oblysynda jol apatynan eki adam mert bolyp, 1 jasar bala aýrýhanaǵa tústi, dep habarlaidy QazAqparat.
Oblystyq politsiia departamenti baspasóz qyzmetiniń málimetinshe, jol-kólik apaty keshe, 21 aqpanda tirkelgen.
«Saǵat 14:50 shamasynda «Atyraý-Oral» tas jolynyń 35-shaqyrymynda eki kólik soqtyǵysty. Resei Federatsiiasynda tirkelgen «VAZ-11183» avtokóligin basqarǵan 33 jastaǵy júrgizýshi joldaǵy araqashyqtyqty saqtamai, aldynda kele jatqan «DAF FT XF 105» júk kóligine soqtyǵysqan. Júk kóligi Ózbekstan Respýblikasynda tirkelgen. Jol apatynyń saldarynan jeńil kóliktiń júrgizýshisi men 34 jastaǵy jolaýshysy oqiǵa ornynda qaitys boldy. Al, 2021 jylǵy bala aýrýhanaǵa jetkizildi», -dep habarlady departamenttiń baspasóz qyzmeti.
Qazir atalǵan jol-kólik oqiǵasyna bailanysty tergeý amaldary júrgizilip jatyr.
