Atyraý oblysynyń Inder aýdanyndaǵy tuzdy kól men jasandy karerlerge barýǵa ýaqytsha tyiym salyndy. Bul týraly aýdandyq ákimdik aqparat taratty, lep habarlaidy "Ult aqparat".
«Atyraý oblysynyń bas memlekettik sanitariialyq dárigeriniń qaýlysyna sáikes, demalýshylardyń shamadan tys jinalýyna bailanysty 28 shildeden bastap Inder aýdanynyń aýmaǵyndaǵy tuzdy kólge jáne jasandy karerlerge barýǵa ýaqytsha tyiym salynady», delingen aqparatta.
Bul kól aýdan ortalyǵy – Inderbor kentinen 12, al «Inder-Qarabaý» tas jolynan 1,5 shaqyrym qashyqta ornalasqan. Mamandardyń aitýyna qaraǵanda, kól jyl saiyn jer asty sýlarymen aǵyp keletin 1,5 mln tonna tuzdy eritindimen tolyǵady. Sý quramynda 22 túrli himiialyq element bar. Tereńdigi 50 metrden asady. Jalpy aýmaǵy 110,5 sharshy shaqyrymdy, uzyndyǵy 40 kilometrdi quraidy.
«Bul kóldiń atyn áigilegen ári paidalysy – tuzdy sý. Onyń quramynda 22 túrli mikroelement bar. Eń baǵalysy – bor, kalii, brom, magnii. Sonyń ishinde bor – óte sirek kezdesetin element. Ony atom energetikasynda da qoldanady», - deidi QR Ulttyq ǵylym akademiiasynyń akademigi Muftah Diarov.
