Foto: videodan skrinshot
Atyraý oblysy Qulsary qalasynda túie aýlada júrgen balany taptap ótti. Jasóspirim dereý aýrýhanaǵa jetkizildi, dep habarlaidy Orda.kz.
Kýágerlerdiń aitýynsha, janýar kenetten úrkip, qasynda ótip bara jatqan jasóspirimge qarai tura umtylǵan. Túie balany birneshe ret tabanymen taptaǵan.
Ótip bara jatqan kóliktiń júrgizýshisi signal bergennen keiin ǵana janýar artqa shegindi.
Jábirlenýshi Jylyoi aýdandyq aýrýhanasyna jetkizildi. Aýdan ákimdiginiń málimetinshe, túie ustalǵan. Alaida onyń iesi áli tabylmady.
Politsiia bolǵan oqiǵa boiynsha tekserý júrgizip jatyr.
